नागरिक समाजले अलोकतान्त्रिक क्रियाकलापलाई सही ट्रयाकमा ल्याउन भूमिका खेल्न सक्नुपर्ने
काठमाडौं । जनताले पाँच वर्षका लागि स्थायी सरकारको लागि दिएको जनमतको उपहास गरेको भन्दै नागरिक समाजका अगुवाहरुले प्रतिनिधिसभाको विघटन विरुद्घ असन्तुष्टि जनाएका छन् ।
साप नेपालले राजधानीमा आयोजना गरेको ‘नागरिक समाज संस्थाको आयोजनामा संवैधानिक संकट र लोकतन्त्रको सुदृढिकरण’ विषयक अन्तरकृया कार्यक्रममा उनीहरुले अलोकतान्त्रिक क्रियाकलापहरुलाई सही ट्रयाकमा ल्याउनका लागि सक्दो भूमिका नागरिक समाजले खेल्न सक्नुपर्नेमा पनि जोड दिएका छन् ।
वर्तमान समयमा भएको संसद विघटन र सो सम्बन्धमा सर्वोच्च अदालतमा मुद्दा विचाराधिन रहेको अवस्थामा राजनीतिक दलहरुको अलोकतान्त्रिक अभ्यासको कारण लोकतन्त्र संकटमा पर्नुको साथै संवैधानिक संकट आईपरेको उनीहरुको भनाई छ ।
पोल्सानका पुर्वअध्यक्ष प्राध्यापक डाक्टर गंगाबहादुर थापाले संविधानको जर्गेना र लोकतन्त्रको संस्थागत तथा सुदृढीकरण गर्दै राज्यको हरेक अंगले संविधानको पुर...
