समाचार

गत मङ्सिर महिनामा लैङ्गिक हिंसाविरुद्धको १६ दिने अभियान चलिरहेको बेला अछाममा महिनावारी भएको समयमा छाउगोठमा एक महिलाको ज्यान गयो । सो घटनापछि सरकारले पछिल्लो समयमा छाउगोठ भत्काउने अभियान थालेको छ । घटना दोहोरिएपछि सञ्चार माध्यममा थप छायो । चौतर्फी महिला अधिकारकर्मीको आवाज उठ्यो । पछिल्लो समय गृह मन्त्रालयको निर्देशनमा जिल्ला प्रशासन कार्यालय नै सक्रिय भएर अहिले कर्णाली र सुदूर पश्चिममा धमाधम छाउगोठ भत्काउन थालिएको छ । हरेक वर्ष छाउगोठमा महिलाको ज्यान जाने गरे पनि घटनापछि आवाज उठ्ने र त्यसै सेलाएर जाने गथ्र्यो । यस पटक भने सरकार चुप लागेर बसेन । गृह मन्त्रालयको ठाडो आदेशमा छाउगोठ भत्काउनेदेखि जनचेतना अभियान अहिले प्राथमिकतामा छ । महिनावारी भएको समयमा कर्णाली र सुदूर पश्चिममा जकडिएर रहेको सामाजिक विकृतिको छाउपडी ९छुई० कूप्रथा अहिलेसम्म समाजबाट तिरष्कृत भएको छैन । छाउ हुँदा महिला अपहेलित हुने...