भ्रमण वर्ष सफल पार्न पर्यटन महोत्सव र दौड
तानसेन । पाल्पामा आन्तरिक एवं बाह्य पर्यटक भित्र्याउने उद्देश्यले पर्यटन महोत्सव हुने भएको छ । नेपाल पर्यटन भ्रमण वर्ष २०२० लाई सफल बनाउनका लागि एक सातासम्म कार्यक्रम आयोजना गरी यही आउँदो फागुनको तेस्रो साता महोत्सव आयोजना गरिने रामपुर नगरपालिकाका प्रमुख तथा पर्यटन प्रवद्र्धन समितिका अध्यक्ष रमणबहादुर थापाले जानकारी दिनुभयो ।आउँदो फागुनको २४ गतेदेखि आयोजना हुने महोत्सवका अवसरमा कालीगण्डकी नदीमा जलयात्रा (¥याफ्टिङ), रामपुर बाहुनडाँडाबाट प्याराग्लाइडिङको व्यवस्था तथा यस क्षेत्रका जातजाति तथा रहनसहनमा आधारित विभिन्न सांस्कृतिक झाँकी प्रदर्शन गर्ने योजना रहेको समितिले जनाएको छ । दुई साताअघि गठन भएको समितिले पाल्पासँगै कालीगण्डकी नदी बेंसी क्षेत्रका स्याङ्जा, तनहुँ, नवलपुर जिल्लामा भएका धार्मिक ऐतिहासिक, पुरातात्विकको पहिचान, कला संस्कृतिको संरक्षण सम्बद्र्धन तथा पर्यटकीय क्षेत्रको प्...