भद्र 25
पवन राज गुप्ता
क्यारेबियन प्रिमियर लिग (सीपीएल) को उपाधि ट्रिनबागो नाइट राइडर्सले जितेको छ। ब्रेन लारा रंगशालामा बिहीबार राती भएको खेलमा ट्रिनबागोले सेन्ट लुसिया जोक्सलाई ८ विकेटले पराजित गर्दै चौँथो पटक उपाधिमाथि कब्जा जमाएको हो।
टस जितेर फिल्डिङ रोजेपछि ट्रिनबागोलाई सेन्ट जोक्सले जितका लागि १५५ रनको लक्ष्य दिएको थियो। ट्रिनबागोले १८.१ ओभरमा २ विकेट गुमाउँदै सो लक्ष्य हासिल गरे।
उपाधि दिलाउने क्रममा ट्रिनबागोका लागि लेन्डल सिमोन्सले ८४ रनको आक्रामक पारी खेले। ओपनर सिमोन्सले ४९ बलमा ४ छक्का र ८ चौका हिर्काए। त्यस्तै डरेन ब्राभोले नटआउट ५८ रनको योगदान गरे। पहिलो ब्याटिङ गर्दे 2 विकेट को छति माा 147 रन बनाए ।।
ससेंट् लुसियाका लागि सर्वाधिक रन आन्द्रे फ्लेचरले बनाए। उनले २७ बलको सामना गर्दै २ छक्का र ४ चौकाको मद्दतमा ३९ रन बनाए। त्यस्तै मार्क देयलले २९ र नाजिबुल्लाह जार्डनले २४ रन जोडे।
ट्रिनबागोका लागि किएरोन पोलार्डले ४ महत्वपूर्ण विकेट लिए। त्यस्तै अली खान र फावद अहमदले २÷२ विकेट हात पारे।
ट्रिनबागो यस सिजनमा अपराजित रहँदै उपाधि जित्न सफल भयो।